“O Poema”.- Manuel María

O 21 de marzo celébrase o Día da Poesía e para conmemorar esta data escollín “O Poema” de Manuel María (1029-2004), o poeta da Terra Cha, é un referente da literatura galega non só pola riqueza da súa obra senón tamén polo compromiso social con Galicia e a súa lingua. Ingresou na RAG no 2003 e no 2016 dedicóuselle o Día das Letras Galegas.

O poema

un poema é un ser vivo que anda,

respira, soña, chora, salouca,

ama, berra, cintila e escurece,

cala, aborrece a mentira,

sente odio e ternura, desángase,

fala de intimidade a intimidade

coas cousas e coa xente, suxere

mundos posibeis e imposibeis,

suda, cansa, sente sede e fame,

adoece, agoniza.

                        E nunca morre.

              De A Luz Ressuscitada, 1984