“E agora som um vello patrom que…”- Carvalho Calero

CC

Monumento a Ricardo Carvalho Calero, na Alameda de Santiago de Compostela. Obra do escultor José Molares

 

O Día das Letras Galegas de 2020 está dedicado a Ricardo Carvalho Calero (1910- 1990) educador e docente na Universidade Compostelana, membro numerario da RAG dende 1958. A súa obra literaria abarca a poesía, a narrativa, o ensaio e o teatro. Foi un estudioso da lingua galega e da unidade lingüistica co portugués.
Para festexar este día, escollín este poema do seu derradeiro poemario Reticencias (1986-1989) editado postumamente en 1990.

RETICENCIAS…
E AGORA SOM UM VELLO PATROM QUE…
E agora som um velho patrom que
se senta ao sol no banco de um passeio.
A minha vida fica atrás. Foi minha?
Quem fum outrora?

Fum eu -este que agora som- aquele
que estes mesmos carreiros transitava
um tempo perseguindo a borboleta
ilusória do amor, e neste mesmo
banco torrava o coraçom, ao sol
do rosto de umha forma feminina,
já nom sei qual, ao meu carom sentada?

A minha boca que articula agora
um monológico silêncio, é
aquela que sabia dialogar
consoante a gramática perdida?

Nem apego me fica ao que onte fum,
nem ao que onte regia o meu falar
e o concertava com o falar seu.

Nacim já velho neste banco ao sol,
e aquel que outrora fum morreu em mim,
e sinto-o como um outro
que nom herdei, pois nada tenho del.

Mocidade nom tivem; som um velho
de poucos anos, que nacim assi.
Apócrifa é a história
com que alguns me encadeiam
às alegres tristezas de um passado
de harmonioso furor primaveral.

Sentado neste banco, tam só espero
que de mim mesmo brote o sono. Aquela
moça que se detém perante mim
—talvez onte ao meu lado se sentava—,
estorva-me hoje, e a seguir convido-a
a sua via, pois furta-me o sol.

Carvalho Calero

 

One comment on ““E agora som um vello patrom que…”- Carvalho Calero

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s