“Como chove miudiño”. Rosalía de Castro

rosalia

Neste próximo 24 de febreiro de 2019 estanse a cumplir os 182 anos do nacemento de Rosalía de Castro, foi unha grande defensora da muller e tamén a precursora do renacemento cultural da literatura galega; o “Rexurdimento“. Eu quero celebrar este aniversario con este fermoso poema de Rosalía: “Como chove miudiño”

 

Como chove miudiño
Como miudiño chove
Como chove miudiño
Pola banda de laíño
Pola banda de lestrove

Misteriosa regadeira
Fino orballo no chan pousa
Con feitiña curvadeira
Remollando na ribeira
Frol por frol, chousa por chousa

Semellando leve gasa
Que sotil o vento move
En frotantes ondas pasa
Refrescando canto abrasa
O que o sol ardente crobe

¡Que inchadiña branca vela
Antre os millos corre soa
Misteriosa pura estrela!
Dille o vento en torno dela
Palomiña, ¡voa!, ¡voa!

Como chove miudiño
Como miudiño chove
Como chove miudiño
Pola banda de laíño
Pola banda de lestrove

¡Como chove miudiño
Polas veigas de campaña!
¡Cal se enxugan de camiño
Os herbales de laíño!
¡Como a ponte en sol se baña!

Os que son nela nacidos
Os que son dela mimados
Lonxe dela están doridos
Porque van de amor feridos
Por quen fono amamantados

Polos fillos a nai tira
Xorda, triste, plañideira
Xeme, chora, e mais sospira
E non para, hastra que os mira
Ben chegar por derradeira

¡Probe nai, canto te quero!
¡Nai tamén, ¡ai!, da nai miña!
O teu chan de amor prefiero
A canto hai grande ou severo
En toda a terra xuntiña

¿Como non si ora estou vendo
Nun paisax de prata e rosas
Canto a vida foi querendo
Cos meus ollos remexendo
Memoriñas cariñosas?
Como chove miudiño
Como miudiño chove
Como chove miudiño
Pola banda de laíño
Pola banda de lestrove

¡Como chove miudiño
Polas veigas de campaña!
¡Cal se enxugan de camiño
Os herbales de laíño!
¡Como a ponte en sol se baña!

Advertisements

One comment on ““Como chove miudiño”. Rosalía de Castro

  1. Cada un dos poemas de Rosalía pode ser cantar ou lamento. Fale de choiva ou de sol, de veigas, camiños, herbales, ou de ríos ou de montes. As súas palabras chegan Inevitablemente ao corazón.

    Liked by 2 people

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s